ປະເທດຜະລິດກາເຟມີຄວາມສຳຄັນໃນບັນດາປະເທດນຊົມໃຊ້. ເພາະບັນດາປະເທດເຫຼົ່ານັ້ນ ກໍ່ໄດ້ລົງທຶນໃສ່ເຄື່ອງຈັກ ເພື່ອປຸງແຕ່ງ ແລະ ມີການຈ້າງງານເປັນຈຳນວນຫຼວງຫຼາຍ ໃນຂະແໜງອຸດສາຫະກຳກາເຟຕົນເອງ.
ຫາກບໍ່ມີການສະໜອງກາເຟ ຈາກບັນດາປະເທດປູກກາເຟ ກໍ່ຈະເຮັດໃຫ້ປະເທດນຳເຂົ້າຢຸດເຊົາກິດຈະການ. ເພື່ອເຮັດໃຫ້ອຸດສາ ຫະກຳກາເຟມີຄວາມຍືນຍົງ, ໃນປະຈຸບັນ ປະເທດນຳເຂົ້ນກໍ່ໄດ້ຫັນເອົາການຜະລິດກາເຟທີ່ສ້າງຄວາມຍືນຍົງໃຫ້ແກ່ໄລຍະຍາວ.
ການສົ່ງອອກກາເຟໃນໄລຍະຕົ້ນແມ່ນເປັນການຊື້ກາເຟເພື່ອປ້ອນເຂົ້າໂຮງງານຂະໜາດໃຫຍ່. ກາເຟຈິ່ງຈັດສົ່ງໃນປະລິມານຫຼາຍ ໂດຍບໍ່ເນັ້ນໃສ່ການຄຳນຶງເຖິງຄຸນນະພາບ. ຕໍ່ມາກາເຟເປັນທີ່ນິຍົມໃນກຸ່ມບໍລິໂພກ ແລະ ມີການແຂ່ງຂັນຫຼາຍຂື້ນ ຈາກບັນດາປະເທດຜູ້ຜະລິດກາເຟ. ເຂົາເຈົ້າໄດ້ມີການຄົ້ນຄິດວິທີປຸງແຕ່ງກາເຟຈາກຫຼາກຫຼາຍຄຸນນະພາບ. ກົງກັນຂ້າມ, ບັນດາປະເທດຜູ້ຜະລິດກາເຟພັດບໍ່ມີການຄັດສັນຄຸນນະພາບ ແລະ ບໍ່ມີການຈັດປະເພດ ຈິ່ງເຮັດໃຫ້ຄຸນນະພາບກາເຟກໍ່ຕົກຕໍ່າ ແລະ ເຮັດໃຫ້ລາຄາກາເຟກໍ່ຕົກຕໍ່ເຊັ່ນດຽວກັນ. ຕໍ່ກັບບັນຫາດັ່ງກ່າວ ຈິ່ງເຮັດໃຫ້ບັນດາປະເທດຜູ້ຜະລິດກາເຟພົບພໍ້ກັບ ການຂາດທຶນ ແລະ ປ່ຽນອາຊີບ. ເພື່ອແກ້ໄຂບັນຫາດັ່ງກ່າວ, ຈິ່ງໄດ້ມີການສົ່ງເສີມ ການຜະລິດກາເຟຄຸນນະພາບ, ຈັດປະເພດ ແລະ ລາຄາ. ເພື່ອເຮັດໃຫ້ຜູ້ຊົມໃຊ້ກາເຟເຊື່ອໜັ້ນໃນຄຸນນະພາບກາເຟ ຈິ່ງເກີດມີອົງການຢັ້ງຢືນ ການຜະລິດຫຼາກຫຼາຍຮູບແບບ ເປັນຕົ້ນແມ່ນ, ການຜະລິດກາເຟອິນຊີ, ການຜະລິດກາເຟແບບເປັນທຳ, ແລະ ຮູບແບບການຢັ້ງຢືນຄຸນນະພາບຕ່າງໆ. ກາເຟທີ່ໄດ້ຮັບການຢັ້ງຢືນ ແມ່ນມີລາສູງຂື້ນ ແລະ ແນ່ນອນກໍ່ແມ່ນໜ້າທີ່ຂອງຝ່າຍຜະລິດຕ້ອງໄດ້ຈ່າຍ.
ການຢັ້ງຢືນຄຸນນະພາບເບິ່ງໃນແງ່ໜຶ່ງຄ້າຍກັບວ່າເປັນການສະກັດກັ້ນ ການຄ້າຂາຍກາເຟ ຂອງບັນດາຜູ້ຜະລິດກາເຟ. ໃນທາງກັບກັນ, ຮູບແບບການສົ່ງເສີມມາດຕະຖານການຜະລິດ ຈະເຮັດໃຫ້ເກີດມີຄຸນນະພາບທີ່ດີຂື້ນ, ຮັກສາສະພາບແວດລ້ອມ, ແລະ ເຮັດໃຫ້ລາຄາກາເຟມີຄວາມແນ່ນອນ. ບັນຫາໂລກຮ້ອນ ແລະ ສະພາບອາກາດປ່ຽນແປງ ເປັນບັນຫາທີ່ກັງວົນໃນຫຼາຍໆປະເທດ. ເຖິງປະລິມານກາເຟທີ່ອາດມີໜ້ອຍລົງໃນຕໍ່ໜ້າ. ການຮັບຮອງຄຸນນະພາບ ຈຳເປັນໃນການສ້າງຄວາມໜ້າເຊື່ອຖືໃນຕອນຕົ້ນ ແລະ ເປັນການສ້າງທັກສະການຜະລິດທີ່ມີມາດຕະຖານທີ່ແນ່ນອນ ແລະ ມີຄຸນນະພາບ. ຜູ້ຜະລິດມັກຈະມີການຮັບຮອງກາເຟໃນຕອນຕົ້ນ. ຫາກເມື່ອໃດກາເຟຂອງຕົນເອງເປັນທີ່ໜ້າເຊື່ອຖືແລ້ວ, ຜູ້ຜະລິດຫຼາຍກຸ່ມກໍ່ຈະບໍ່ຕ້ອງການມີການຮັບຮອງອີກ. ພຽງແຕ່ຮັກສາການຜະລິດໃຫ້ໄດ້ມາດຖານກາເຟທີ່ມີຄຸນນະພາບ. ເຖິ່ງຈະບໍ່ໄດ້ມີການຮັບການຮັບຮອງຈາກອົງການກວດສອບຄຸນນະພາບ, ກໍ່ອາດເຮັດໃຫ້ກາເຟມີລາຄາຫຼຸດລົງໜ້ອຍໜຶ່ງ. ເມື່ອໃດຄຸນນະພາບກາເຟບໍ່ມີການປ່ຽນແປງ ກໍ່ຈະເຮັດໃຫ້ກາເຟນັ້ນ ຈະຍັງໄດ້ລາຄາດີຢູ່.
ໃນບັນດາປະເທດຜູ້ຜະລິດກາເຟ ຈິ່ງໄດ້ເອົາໃຈໃສ່ໃນການປັບປຸງຂອດການຜະລິດກາເຟ. ສ່ວນປະເທດນຳເຂົ້າກໍ່ມີການຄົ້ນຄິດວິທີຂົ້ວ ແລະ ປຸງແຕ່ງແກ່ບັນດາລູກຄ້າທີ່ຕ້ອງການຫຼາກຫຼາຍຣົດຊາດ. ສຳລັບ ສ ປ ປ ລາວ ມີທ່າແຮງໃນການຜະລິດກາເຟ ຕິດພັນກັບການຮັກສາທຳມະຊາດ. ຫາກເຮັດໄດ້, ກາເຟດັ່ງກ່າວຈະຍິ່ງເປັນທີ່ຕ້ອງການ, ທັງຍັງຮັກສາສະພາບແວດລ້ອມໃຫ້ແກ່ ຊຸມຊົນ ແລະ ປະເທດຊາດ. ຮູບແບບຄວາມຕ້ອງການກາເຟຄຸນນະພາບຈະຍິ່ງເພີ່ມສູງຂື້ນ ໃນຕໍ່ໜ້າ. ການຫັນປ່ຽນການຜະລິດກ້າວສູ່ມາດຕະຖານ ແລະ ຄຸນນະພາບຈະເຮັດໃຫ້ກາເຟລາວມີຕະຫຼາດທີ່ແນ່ນອນ. ທັງຍັງຈະສ້າງຊື່ສຽງໃຫ້ແກ່ກາເຟລາວໃນອານາຄົດ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
