ປະຕິເສດບໍ່ໄດ້. ທຸກໆຢ່າງຈະຫັນເປັນການຄ້າຜ່ານທາງດິຈິຕໍຫຼາຍຂື້ນປີຕໍ່ປີ. ການຂາຍຍ່ອຍ ຜ່ານທາງອອນລາຍ ຄາດວ່າຈະເພີ່ມຂຶ້ນ ຢ່າງໂດດເດັ່ນ. ໃຜຫັນບໍ່ທັນ, ອາດຕ້ອງພົບບັນຫາການດຳເນີນທຸລະກິດ ແລະ ຂາດໂອກາດ ນຳໃຊ້ເຕັກນິກໃໝ່ໆ ອັນຈະເສີມສ້າງຂີດຄວາມສາມາດໃນການແຂ່ງຂັນ.
ທຸລະກິດທີ່ເຫັນໄດ້ຊັດເຈນໃນການນຳໃຊ້ກວມເອົາທຸກໆຂະແໜງການ ເປັນຕົ້ນ: ການຊື້ຂາຍປີ້ລົດ-ຍົນ, ການທ່ອງທ່ຽວ, ປື້ມ, ເຄື່ອງສຳອາງ, ຂອງຫຼີ້ນ, ແລະ ອື່ນໆ.
ໃນແຕ່ລະຂົງເຂດເສດຖະກິດສຳຄັນ ແລະ ມີການເຕີບໂຕ, ກໍ່ໄດ້ພັກດັນການນຳໃຊ້ໃນ ການຄ້າຜ່ານທາງ ອອນໄລຫຼາຍຂື້ນ. ເຊັ່ນ: ໃນຂົງເຂດ ອາຊີ-ປາຊີຟິກ ປະກອບມີພູມສາດ ຂອງຕະຫຼາດທາງອິນເຕີເນັດ ທີ່ໃຫ່ຍທີ່ສຸດໃນໂລກບັນດາທຸລະກິດ. ສ່ວນໃຫ່ຍເຫັນພ້ອມກັນວ່າ ການນຳໃຊ້ E-commerce ເປັນຍຸດທະສາດທີ່ສຳຄັນ ສຳລັບທຸລະກິດໃນອານາຄົດ. ຍີ່ປຸ່ນ, ຈີນ ເປັນຕະຫຼາດທີ່ສຳຄັນທີ່ສຸດ ແລະ ບັນດາປະເທດກຳລັງພັດທະນາ ກໍ່ມີການຕື່ນຕົວ. ຫຼາຍໆຄົນ ຈັບຕາເບິ່ງຈີນ ທີ່ຄາດວ່າ ຈະມີການນຳໃຊ້ ການຄ້າທາງເອເລັກໂທຼນິກ ໃນວົງກວ້າງ.
ທຸະລະກິດຂະໜາດນ້ອຍພົບ ຜົນປະໂຫຍດ ທາງດ້ານ E-Commerce:
- ພວກເຂົາໄດ້ດຶງດູດເອົາ ລູກຄ້າເປົ້າໝາຍ ແລະ ຄົນທີ່ມີຄວາມກະຕືລືລົ້ນ ພາຍຫຼັງທີ່ໄດ້ເຂົ້າມາເບິ່ງເວັບໄຊ ເພື່ອຊອກຫາຂໍ້ມູນ ທີ່ກ່ຽວຂ້ອງກັບເຄື່ອງຈັກຜະລິດກາເຟ.
- ມີຄົນເຂົ້າມາເບິ່ງເວັບໄຊ ຍ້ອນການນຳເອົາເວັບໄຊຂອງເຂົາ ເຂົ້າຢູ່ໃນໜ້າທຳອິດຂອງເຄື່ອງຊອກເວັບໄຊ.
- ເຂົາເຈົ້າສະໜອງຜົນປະໂຫຍດ ໃຫ້ແກ່ຜູ້ເຂົ້າມານຳໃຊ້ເວັບໄຊ ເຊັ່ນ: ການຊອກຫາຂໍ້ມູນທີ່ລູກຄ້າຕ້ອງການ ກ່ຽວກັບລຸ້ນຈັກ ທີ່ນຳໃຊ້ນຳ້ມັນ ເປັນພະລັງງານ.
- ອີເມວ ເປັນສິ່ງທີ່ ຈຳເປັນ ສຳລັບການຫຼຸດຕົ້ນທຶນ ໃນການຕິດຕໍ່ກັບລູກຄ້າ ຫຼື ຜູ້ສະ ໜອງ ທີ່ຢູ່ທາງນອກ; ການສັ່ງສິນຄ້າ ບາງເທື່ອກໍ່ໄດ້ຮັບຜ່ານທາງອີເມວ.
ບົດຮຽນທີ່ຖອດຖອນໄດ້: ຜູ້ປະກອບການໄດ້ກ່າວໄວ້ວ່າ ” ການໂຄສະນາຕາມໜັງສືພິມກາຍເປັນສິ່ງທີ່ແພງ ແຕ່ຖ້າພວກເຮົາ ມີເວັບໄຊ, ພວກເຮົາພຽງແຕ່ເອົາ ທີ່ຢູ່ຂອງເວັບໄຊເຮົາເຂົ້າໃນໜັງສືພິມ ເຮັດແນວນີ້ຈະປະຫຍັດເນື້ອ ທີ່ ແລະ ເງິນໂຄສະນາ. ຜູ້ທີ່ມີຄວາມສົນໃຈ ສາມາດເຂົ້າໄປເບິ່ງເວັບໄຊ ຕາມອິນເຕີເນັດ ແລະ ຊອກຫາຂໍ້ມູນກ່ຽວກັບທຸລະກິດຂອງພວກເຮົາ.
ດັ່ງນັ້ນ, ການມີເວັບໄຊຈິ່ງເປັນແນວທາງໃໝ່ຂອງບັນດາຜູ້ປະກອບການ ” ລາວຍັງໄດ້ເວົ້າຕື່ມອີກວ່າ ລູກຄ້າມີຄວາມສົນໃຈຫຼາຍຂຶ້ນ ກ່ຽວກັບຊື່ສຽງຂອງ ບໍລິສັດ ແລະ ການມີເວັບໄຊເຮັດໃຫ້ບໍລິສັດມີ ໂອກາດມີຊື່ສຽງຫຼາຍຂຶ້ນ. ພວກເຂົາວາງແຜນ ຈະອັບ ເດດເວັບໄຊ ເພື່ອຈະຕື່ມຮູບແບບການ ເຮັດທຸລະກິດ ເຊັ່ນ: ຄວາມສະດວກ ການສົນທະນາໃນເວັບໄຊ ເພື່ອເຮັດໃຫ້ລູກຄ້າສາມາດ ສື່ສານກັນໄດ້ງ່າຍຂຶ້ນ. ພວກເຂົາເເນະນຳໃຫ້ຊອກເອົາເຄື່ອຄ່າຍ ການເຊື່ອມຕໍ່ ເພື່ອທີ່ຈະສະໜອງ ລາຄາທີ່ຖືກ ແລະ ມີຄວາມໜ້າສົນໃຈ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
