ຈາກຄຳເວົ້າທີ່ວ່າ “ຄົນດີມີໜ້ອຍ” ເປັນສິ່ງທີ່ໜ້າຄົ້ນຄິດ ແລະ ໃສ່ໃຈແກ່ຄົນທີ່ເປັນຫົວໜ້າອົງກອນ ຫຼື ບໍລິສັດ. ຫ້ອງການຂອງທ່ານ ຕ້ອງພ້ອມທີ່ຈະຍາດແຍ່ງເອົາຄົນດີ ແລະ ເກັ່ງສຸດມາສູ່ອົງກອນຂອງທ່ານເອງ. ໃນປະຈຸບັນ, ຜູ້ໃຊ້ແຮງງານໄດ້ມີການແຂ່ງຂັນກັນຄັດສັນຄົນເກັ່ງໆເຂົ້າມາເຮັດວຽກສ້າງຜົນປະໂຫຍດແກ່ບໍລິສັດ. ໃນປະເທດ ທີ່ມີແຮງງານໜ້ອຍ, ໄດ້ມີນະໂຍບາຍນຳເຂົ້າແຮງງານເພື່ອມາເຮັດວຽກ.
ຈະເຮັດແນວໃດ ຈັ່ງຈະໄດ້ຄົນດີ ແລະ ເກັ່ງມາຮ່ວມງານ? ເປັນໜ້າທີ່ສຳຄັນແກ່ອົງກອນ. ບໍ່ຊັ້ນ, ທ່ານອາດຈະໄດ້ ຄົນທີ່ບໍ່ມີຄຸນນະພາບພໍມາເຮັດວຽກ. ໃນຕົວບໍລິສັດ ຫຼື ອົງກອນ ຕ້ອງມີແຜນງານໃນການສ້າງຄວາມໜ້າສົນໃຈ ໃຫ້ແກ່ຄົນເກັ່ງໆຢາກເຂົ້າມາຮ່ວມງານນຳ. ພະນັກງານຊອກຫາຫຼາຍຢ່າງຈາກອົງກອນ ນອກຈາກຜົນປະໂຫຍດ ໃນສິ່ງ ຕອບແທນທັງສິ່ງທີ່ບໍ່ແມ່ນວັດຖຸ ເປັນຕົ້ນ: ຄວາມສະເໜີພາບໃນໜ້າທີ່, ຄວາມຄ່ອງຕົວ, ອິດສະຫຼະໃນ ການເຮັດວຽກ, ການນຳພາທີ່ດີ ແລະ ໂອກາດໃນການພັດທະນາຕົນເອງ. ໃນຫຼັກສູດນີ້, ຈະຊ່ວຍໃຫ້ບັນດາ ຜູ້ທີ່ ເປັນເຈົ້າຂອງກິດຈະການ, ຫົວໜ້າອົງກອນ ແລະ ບໍລິສັດ ເຂົ້າໃຈ ສິ່ງທີ່ຈະດຶງດູດພະນັກງານ ທີ່ມີທັກສະດີເລີດ ມາຮ່ວມອົງກອນ. ລູກຈ້າງຈະມີທາງເລືອກສະເໜີ. ເຂົາເຈົ້າຈະປະເມີນອົງກອນ ແລະ ບໍລິສັດກ່ອນເຂົ້າຮ່ວມງານ ວ່າຈະມີຜົນດີແນວໃດແດ່ຫາກໄດ້ຮ່ວມງານ.
ບໍລິສັດຄວນມີແຜນງານໃນ ການສ້າງໃຫ້ກາຍເປັນອົງກອນ ໃຫ້ກາຍ ເປັນບ່ອນເຮັດວຽກຂອງອັດສະລີຍະ ທັງໄລຍະສັ້ນ ແລະ ຍາວ. ເພື່ອໃຫ້ກາຍເປັນອົງກອນເຮັດວຽກໃນຝັນຂອງ ຄົນເກັ່ງທີ່ພ້ອມຈະທຸ້ມເທເພື່ອສ້າງ ແລະ ຂະຫຍາຍບໍລິສັດ ຫຼື ອົງກອນໃຫ້ໂດດເດັ່ນໃນສັງຄົມ. ໃນຫຼັກສູດນີ້ ຈະເຜີຍເຕັກນິກໃຫ້ຊາບ.