ມີມື້ໃດບໍ່ ທີ່ທ່ານບໍ່ຕັດສິນໃຈ? ບາງຄົນຕັດສິນໃຈແຕ່ງງານ, ເລືອກຊື້ເຄື່ອງເຮືອນ, ຊື້ດີນ ແລະ ອື່ນໆ. ການຕັດ ສິນໃຈ ເປັນທັກສະອັນໜຶ່ງ ຂອງພາວະຜູ້ນຳ. ເຮັດແນວໃດ ຈະແນ່ໃຈວ່າທ່ານຕັດສິນໃຈເປັນຜົນແກ່ຊີວິດ, ການ ງານ ແລະ ທຸລະກິດ. ຍ້ອນແນວນີ້, ການຮຽນທັກສະການນຳ ເພື່ອນຳໃຊ້ໃນຊີວິດປະຈຳວັນເປັນສິ່ງຈຳເປັນ. ໃນຫຼັກສູດນີ້ ຈະໄດ້ນຳເອົາທັກສະການນຳຂອງຫຼາກຫຼາຍວົງການການຳ ແລະ ຜູ້ບໍລິຫານ ໃນຫຼາຍລະດັບມານຳ ສະເໜີ ເປັນພື້ນຖານໃຫ້ແກ່ທ່ານ ໄດ້ນຳໄປປະຍຸກນຳໃຊ້ ແກ່ຊີວິດຕົວທ່ານເອງ ແລະ ທີມງານ ເພື່ອເຮັດວຽກ ງານໃຫ້ປະສົບຜົນສຳເລັດ.
ມີທັກທິດສະດີທີ່ມີການນຳໃຊ້ໃນຕົວຈິງມາກ່ອນ ຂອງບັນດາຜູ້ນຳ ທີ່ມີຊື່ສຽງ ແລະ ປະສົບຜົນສຳເລັດ ໃນວົງການ ການເມື່ອງ, ທຸລະກິດ, ການທະຫານ, ການສຶກສາ. ທັກສະດັ່ງກ່າວ ຂ້າພະເຈົ້າເຄີຍນຳໃຊ້ໃນຊີວິດຕົວຈິງໃນການ ເຮັດວຽກງານມາແລ້ວຫຼາຍປີ. ສິ່ງທີ່ພົບເຫັນໃນຄຸນລັກສະນະການເປັນຜູ້ນຳມີຫຼາຍລັກສະນະທີ່ຄົນລາວເຮົາຄວນ ຮຽນເປັນແບບຢ່າງ. ເປັນຕົ້ນ ການຄົນຄິດແບບມີວິໃສທັດ, ການມີແຮງບັນດານໃຈແບບບໍ່ມີມັນຈົບສີ້ນ, ຮູບແບບ ການນຳພາ ແລະ ທັກສະການກະຕຸ້ນທີມງານແບບທາງກົງ ແລະ ທາງອ້ອມ ເພື່ອນຳໄປສູ່ການເໜັ່ງຕີງ ແບບທາງ ບວກແກ່ ສັງຄົມ ອັນກໍ່ໃຫ້ເກີດມີການປ່ຽນແປງທີ່ດີຂື້ນ. ໃນທີ່ສຸດ, ຫາກທ່ານນຳເອົາທັກສະມາປະຕິບັດ ກໍ່ຈະ ເຮັດໃຫ້ທ່ານກ່າຍເປັນຄົນທີ່ມີລັກສະນະການເປັນຜູ້ນຳທີ່ດີຂື້ນຢ່າງບໍ່ຕ້ອງສົງໃສ.
ໃນຍຸກດິຈິຕໍ, ມີຫຼາຍເຄື່ອງມືອຳນວຍການເຮັດວຽກໄດ້ງ່າຍຂື້ນ. ມັນບໍ່ໄດ້ເຮັດໃຫ້ວຽກງານງ່າຍຂື້ນເລີຍ. ທັກສະ ການນຳ ໃນຍຸກທີ່ມີການຫັນປ່ຽນໄວ ຫາກຮູ້ຈັກໜູນໃຊ້ ເຄື່ອງມືການສື່ສານ ເຂົ້າໃນວຽກງານ ຈະເຮັດໃຫ້ ການນຳ ເອົາຈິນຕະນາການ ແລະ ການລະດົມແນວຄິດແບບໝູ່ຄະນະໄດ້ງ່າຍຂື້ນ. ກົງກັນຂ້າມ ຫາກບໍ່ສາມາດປັບປ່ຽນລັກ ສະນະການນຳ ໄປຕາມຍຸກສະໃໝ ທ່ານອາດນຳພາວຽກງານບໍ່ທັນກັບການປ່ຽນແປງ.