ຄົ້ນຫາຈຸດປະສົງຊີວິດ

ມີຫຼາຍຄັ້ງ, ຄົນເຮົາຄິດວ່າ ຕົນເອງໄດ້ພົບເປົ້າໝາຍການດຳລົງຊີວິດຕັ້ງແຕ່ຕອນເປັນເດັກນ້ອຍ 5ປີ. ພວກເຂົາເລີ່ມ ສະແດງທັກສະ, ແລະ ບອກມາດ້ວຍປາກເປົ່າວ່າເຂົາຢາກເປັນຫຍັງເວລາໃຫຍ່ຂື້ນມາ. ເຊັ່ນ: ບາງຄົນມີຄວາມປະ ທັບໃຈ ໃນອາຊີບນາຍໝໍທີ່ໄດ້ຊ່ວຍຄົນເຈັບ ອັນເປັນທີ່ຮັກຂອງຄົນອື່ໆນ ໄດ້ມີຊີວິດຍືນຍາວ. ບາງຄົນຢາກໃຫຍ່ ມາເປັນແມ່-ພໍ່ພິມຂອງຊາດ ຄອຍສັກສອນເຍົາວະຊົນໃຫ້ກາຍເປັນຜູ້ໃຫຍ່ທີ່ດີໃນອານາຄົດ.

ເມື່ອເວລາຜ່ານໄປ, ມີຫຼາຍຄົນເວລາໃຫຍ່ມາ ເຮັດອາຊີບທີ່ແຕກຕ່າງອອກໄປ ກວ່າຕອນທີ່ຝັນໄວ້ແຕ່ໄວເດັກ. ຖ້າເຮົາຈະເຮັດ ຕາມ ຄວາມຝັນທີ່ມີໃນໄວເດັກ, ພວກເຮົາອາດກຳລັງເຮັດສິ່ງຜິດພາດໃນຊີວິດ. ມີການຄົ້ນພົບວ່າ ຄົນເຮົາຈະຮຽນຮູ້ວ່າ ຕົນເອງມັກຫຍັງ? ມີຈຸດປະສົງການດຳລົງຊີວິດແບບໃດ? ອັນໃດເປັນຄວາມສຸກ ແລະ ອັນໃດເປັນວຽກທີ່ຕົນເອງ ຕ້ອງການເຮັດແທ້ໆ ແມ່ນຕອນທີ່ເຮົາເລີ່ມເຮັດວຽກປະຈຳວັນ.

ສິ່ງທີ່ທ່ານຈະໄດ້ຮັບ

• ຮູ້ຈັກໃຈ້ແຍກຄວາມສຳຄັນ ຂອງເງິນທີ່ໄດ້ຮັບ ແລະ ໜ້າທີ່ວຽກງານ. ການເບິ່ງຄຸນຄ່າວຽກງານຫຼາຍ ກວ່າເງິນ ເຊິ່ງບໍ່ໄດ້ໝາຍວ່າວຽກຄຸນຄ່າບໍ່ແມ່ນວຽກທີ່ບໍ່ຫາເງິນ. ຕ້ອງໄດ້ດຸ່ນດ່ຽງກັນ.
• ທົບທວນຄືນການກຳວຽກງານໃນອຸດົມການ ທີ່ທ່ານຕ້ອງການເຮັດໃນປະຈຸບັນ ແລະ ອານາຄົດ. ເພື່ອບໍ່ໄດ້ເຮັດໃນສິ່ງທີ່ບໍ່ມັກຕະຫຼອດຊີວິດ.
• ຫາກເຮັດວຽກໃນສິ່ງທີ່ມັກ, ແລະມັ ກພົບຄົນທີ່ມີແຕ່ຕິກັບຕິກັຍຜົນງານ, ຈະແກ້ແນວໃດ? ມີວິທີຮັບມື ເພື່ອບໍ່ໃຫ້ຄົນມັກຕິເຫຼົ່ານັ້ນມາປ່ຽນເປົ້າໝາຍການເຮັດວຽກທີ່ທ່ານຢາກເຮັດ.

• ວິທີການເບິ່ງຄຸນຄ່າ ຂອງໜ້າວຽກ ທີ່ໄດ້ຮັບຜົນຈາກການເຮັດວຽກແບບມີອຸດົມການຂອງທ່ານ. ແນະນຳການເຊື່ອມໂຍງຄວາມຕ້ອງການຂອງຄົນໄດ້ຮັບຜົນປະໂຫຍດ ແລະ ສິ່ງທີ່ເຮົາເຮັດວຽກຕາມອຸດົມການ. ໄດ້ຍົກຂື້ນໃນທາງທຸລະກິດ ໂດຍຈະແນະນຳວິທີ່ເຂົ້າໃຈລູກຄ້າ ແລະ ນຳເອົາຄວາມຕ້ອງການຂອງເຂົາເຈົ້າມາສ້າງເປັນເປົ້າໝາຍໃນການເຮັດວຽກຕາມອຸດົມການ.
• ໃຈ້ແຍກສິ່ງສຳຄັນໃນການເຊື່ອມໂຍງຊີວິດການເຮັດວຽກ ໄປກັບການດຳລົງຊີວິດປະຈຳວັນ
• ເຂົ້າໃຈການດຳລົງຊີວິດ ແລະ ການເຮັດວຽກແບບມີຊີວິດຊີວາ

ທ່ານຄວນເຂົ້າຫຼັກສູດນີ້ບໍ່?

ສຳລັບຄົນທີ່ກຳລັງເຮັດວຽກ ແລະ ບໍ່ແນ່ໃຈວ່າກຳລັງເຮັດໃນສິ່ງທີ່ຕົນເອງມັກຫຼືບໍ່? ຈະເຮັດຕໍ່ກະອາດເສຍເວລາ. ແທນທີ່ຈະມາຊອກແນວເຮັດຕາມອຸດົມການຂອງທ່ານ ກະຢ້ານເປັນສິ່ງທີ່ບໍ່ມັກ. ໃນຫຼັກສູດນີ້ ຈະເຮັດໃຫ້ທ່ານ ສາມາດເບິ່ງສະພາບທີ່ຕົວທ່ານເອງກະລັງພົບພໍ້ໃນຊີວິດການງານ, ການດຳລົງຊີວິດ ແລະ ສາຍພົວພັນຈາກໜ້າທີ່.

ສຳລັບນັກຮຽນ ແລະ ໄວໜຸ່ມ ທີ່ກຳລັງຈະສະໜັກເຂົ້າຮຽນວິຊາຊີບ, ຕໍ່ມະຫາວິທະຍາໄລ ຫຼື ຍັງບໍ່ແນ່ໃຈວ່າຕົນເອງ ເໜາະກັບອັນໃດ? ວຽກງານໃດທີ່ຕົນຢາກເຮັດເພື່ອສ້າງສິ່ງມີຄຸ່ນຄ່າກັບຕົນເອງ ແລະ ສັງຄົມ. ສຳລັບນ້ອງນັກຮຽນ, ບໍ່ຢາກໃຫ້ເບິ່ງການເລືອກອາຊີບ ທີ່ມີຜົນຕອບແທນທາງການເງິນຢ່າງດຽວ. ທັງນີ້ກະບໍ່ໄດ້ໝາຍວ່າ ຕ້ອງໄປເຮັດ ວຽກການກຸສົນຈິ່ງຈະຖືວ່າ ເປັນການໃຊ້ຊີວິດທີ່ມີຄຸນຄ່າ. ຫາກແມ່ນການໄດ້ນຳໃຊ້ເວລາທີ່ມີ ສ້າງຜົນປະ ໂຫຍດ ແກ່ສັງຄົມທັງທາງດ້ານວັດຖຸ ແລະ ຈິດໃຈ.

ສຳລັບແມ່ຍິງ ກະເປັນກຸ່ມທີ່ຢາກໃຫ້ເຂົ້າມາຮ່ວມ. ເພາະຫຼາຍຄົນຖືວ່າແມ່ຍິງເກີດມາເພື່ອຢູ່ເຮືອນ. ບາງຄົນອາດ ແມ່ນ. ເຂົາອາດມີແນວທາງຢາກບົວລະບັດຄອບຄົວ, ລູກ, ຜົວ ແລະ ຍາດພີ່ນ້ອງ. ຫາກຕ້ອງອອກໄປເຮັດວຽກ ໃນສັງຄົມ, ທ່ານຈະເລືອກເຮັດຫຍັງດີ? ຂໍເຊີນມາມີສ່ວນຮ່ວມນຳກັນ.