ການປັບປຸງຄວາມໄວຂອງອິນເຕີເນັດ ແລະ ເຕັກໂນໂລຢີ່ E-Commerce ເປີດໂອກາດໂອກາດທີ່ດີຂື້ນ ໃຫ້ແກ່(SMEs) ໃຫ້ສາມາດນຳໃຊ້ໃຫ້ເກີດຜົນປະໂຫຍດຈາກການຈັດຕັ້ງປະຕິບັດ ຍຸດທະສາດການຄ້າທາງອອນໄລ.
ບາງຜົນປະໂຫຍດໃນການນຳໃຊ້ເຕັກນິກການຄ້າທາງອອນໄລມີຄື:
ຫຼຸດຕົ້ນທຶນ
1. ຫຼຸດຜ່ອນຄ່າເດີນທາງ – ດ້ວຍການນ້ຳໃຊ້ມືຖື, ອີເມວ ແລະ ອຸປະກອນການສື່ສານອື່ນ ແທນການເດີນທາງພົບປະ. ຫຼຸດຄ່ານຳໃຊ້ອຸປະກອນ ເປັນຕົ້ນ ຄ່າພິມເອກະສານ. ຂໍ້ມູນມີຫຼາຍຂຶ້ນ ໃນຮູບແບບໄຟເອກະສານ ໂດຍບໍ່ຕ້ອງພິມ.
2. ຫຼຸດຕົ້ນທຶນການຕະຫຼາດ ແລະ ການຈຳໜ່າຍ – ຕົວຢ່າງ, ການຈັດພິມ ແຜ່ນພັບທາງອອນລາຍ ສາມາດສົ່ງຫາລູກຄ້າ ທ່າແຮງໃນທຸກຂົງເຂດ ແລະ ສາມາດດັດແປງໄດ້ເປັນປະຈຳ. ສຳລັບເຈ້ຍໂຄສະນາ ກະບໍ່ຈຳເປັນພິມຫຼາຍຄືເກົ່າ ເມື່ອທ່ານອອກແບບ ແລະ ປ້ອນຂໍມູນລົງໃນເວັບ ຫຼື ຊ່ອງສື່ສັງຄົມອອນໄລ ໃຫ້ຄົນເບິ່ງ ແລະ ກົບປີ້ເອົາໄດ້.
3. ຫຼຸດຕົ້ນທຶນການຕັ້ຮ້ານຂາຍ – ອິນເຕີເນັດສະໜອງ ກາລະໂອກາດສາລັບທຸລະກິດ ເພື່ອຫຼຸດຜ່ອນລາຄາ ໃນການເຮັດການຄ້າຢູ່ໃນເຂດທ້ອງຖິ່ນ ແລະ ແຖບຊາຍແດນ. ທ່ານສາມາດໂຄສະນາໄດ້ທຸກໆທີ່ ແລະ ບອກທີ່ຢູ່ທາງອອນໄລໃຫ້ຄົນເຂົ້າເບິ່ງ. ຫາກສົນໃຈ, ການສັ່ງຊື້ກະຈະໄວຂື້ນ.
4. ຕ່ອງໂສ້ການສະໜອງທີ່ມີປະສິດທິພາບຫຼາຍຂຶ້ນ – ສາມາດຕັດພໍ່ຄ້າຄົນກາງ ແລະ ການເຮັດທຸລະກິດທີ່ມີລາຄາຕໍ່າລົງ(ເຊິ່ງລວມມີການຕະຫຼາດ, ການຂາຍ, ຂະບວນການທາງທຸລະກິດ), ຫຼຸດຄ່າໃຊ້ຈ່າຍສ່ວນເກີນ, ບັນຊີສາງເຄື່ອງ ແລະ ຫລຸດຄ່າແຮງງານລົງ.
5. ປັບປຸງໜ້າທີ່ພາຍໃນຂອງອົງການຈັດຕັ້ງ – ຕັດການພົບປະ, ຍົກລະດັບການແລກປ່ຽນຄວາມຮູ້ທີ່ສຳຄັນ, ລຶບລ້າງ ສິດທິພິເສດການເຮັດການຄ້າ ແລະ ສ້າງການສື່ສານທີ່ວ່ອງໄວຂຶ້ນ.
ຜົນປະໂຫຍດທາງການຕະຫຼາດ
1. ການເຂົ້າເຖິງກຸ່ມລູກຄ້າທີ່ຫຼາກຫຼາຍກຸ່ມລາຍຮັບ – ການຄົງຕົວຂອງເວັບໄຊ ເຮັດໃຫ້ ຜູ້ປະກອບການ ຊອກຫາລູກຄ້າທີ່ຢູ່ຫາງໄກຈາກສະຖານທີ່ເຂົາຢູ່ ໄດ້ງ່າຍຂຶ້ນ.
2. ຍີ່ຫໍ້ຈະມີການຮັບຮູ້ຫຼາຍຂຶ້ນ – ການສະໜອງ ທາງເລືອກໃໝ່ ໃນການໂຄສະນາຜະລິດຕະພັນ ແລະ ການບໍລິການ.
3. ປັບປຸງການບໍລິການລູກຄ້າ – ການສັ່ງທີ່ມີການຮັບຕອບທີ່ດີກວ່າ ແລະ ການບໍລິການ ຫຼັງການຂາຍແກ່ລູກຄ້າ, ສິ່ງນີ້ຈະເພີ່ມຄວາມໜ້າເຊື່ອຖືຂອງລູກຄ້າ.
4. ເພີ່ມຄວາມຮັບຮູ້ກ່ຽວກັບຕະຫຼາດ – ຜູ້ປະກອບການຈະຮັບຮູ້ການແຂ່ງຂັນໄດ້ດີຂຶ້ນ ກັບບັນດາຕະຫຼາດຕ່າງໆ ແລະ ຮູ້ການ ປ່ຽນແປງ ທີ່ສາມາດນຳໄປສູ່ການ ປ່ຽນແປງຜະລິດຕະພັນ/ການບໍລິການໃໝ່ ຫຼື ການປັບປຸງຄຸນນະພາບ.
ຜົນປະໂຫຍດຈາກການແຂ່ງຂັນອື່ນໆ
1. ເພີ່ມປະສິດທິພາບ – E-Commerce ບໍ່ພຽງແຕ່ຈະຫຼຸດຕົ້ນທຶນ ແຕ່ຍັງເພີ່ມຄວາມໄວໃນການຊຳລະ; ເຊິ່ງລວມມີການຊື້ ແລະ ການຂາຍ.
2. ການຄ້າທີ່ຕໍ່ເນື່ອງ – ຜູ້ສະໜອງ ແລະ ລູກຄ້າ, ເຂົາເຈົ້າສາມາດ ຂາຍບໍລິການໄດ້ 24 ຊົ່ວໂມງ / 7ມື້ ຖ້າພວກເຂົາຢາກເຮັດ, ມີຄວາມສຳຄັນໂດຍສະເພາະການເຮັດການຄ້າ ໃນບ່ອນທີ່ມີເວລາແຕກຕ່າງກັນ.
3. ຄວາມຊຳນິຊຳນານ – E-Commerce ສາມາດຊ່ວຍຜູ້ປະກອບການດຳເນີນກິດຈະການຢ່າງເຕັມທີ ເຮັດໃຫ້ມັນມີຄວາມງ່າຍດາຍຂຶ້ນ ເພື່ອສ້າງສາຍພົວພັນກັບວິສາຫະກິດອື່ນ ແລະ ການຕິດຕໍ່ກັບອົງການຈັດຕັ້ງທີ່ໃຫ້ການຊ່ວຍເຫລືອ ທຸລະກິດຂອງເຂົາເຈົ້າໄດ້ດີຂຶ້ນ.
ກັບຜົນປະໂຫຍດຂ້າງເທິງທີ່ຍົກມາ, ຍັງບໍ່ຄົບ. ຍັງມີຫຼາຍອັນທີ່ ດີແກ່ທຸລະກິດທຸກໆຂະໜາດ. ທ່ານຕ້ອງບໍ່ພາດນຳໃຊ້.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
