ຈຸດປະສົງຂອງພາກນີ້ ຈະຊ່ວຍໃຫ້ທ່ານສາມາດສ້າງແຜນການຈັດຕັ້ງປະຕິບັດໄດ້ ແລະ ເຂົ້າໃຈຄວາມສຳຄັນແລະ ຜົນປະໂຫຍດ ຂອງການສ້າງກິດຈະກຳການດຳເນີນງານ. ທັງຍັງຈະເປັນການສ້າງທີມງານເຮັດວຽກເພື່ອເປົ້າໝາຍດຽວກັນ.
ພາຍຫຼັງການສຶກສາພາກນີ້, ທ່າຈະສາມາດເຂົ້າໃຈດັ່ງນີ້:
- ແຜນການຈັດຕັ້ງປະຕິບັດແມ່ນຫຍັງ? ແລະ ສິ່ງທີ່ຈະນຳໃຊ້ແນວໃດ?
- ສິ່ງໃດທ່ານຄວນຈະບັນຈຸເຂົ້າ ແລະ ວິທີຂຽນ
ຜ່ານການກະກຽມໃນພາກກ່ອນໆ, ທ່ານຈະມີແນວຄວາມຄິດທີ່ຊັດເຈນກ່ຽວກັບທຸລະກິດທີ່ທ່ານຕ້ອງການສ້າງຂື້ນ. ທ່ານຈະຮູ້ຈັກດີກ່ຽວກັບທຸລະກິດຂອງທ່ານ, ແລະ ທ່ານຈະມີຄວາມໜັ້ນໃຈກ້ຽວກັບປະລິມານຄວາມຕ້ອງການສິນຄ້າຂອງທ່ານ. ທ່ານຈະສາມາດເບິ່ງເຫັນຄູ່ແຂ່ງວ່າເຂົາເຈົ້າເຮັດແນວໃດ? ແລະ ຈະພົບເຫັນຊ່ອງທາງທີ່ທ່ານຈະສາມາດໄດ້ປຽບຈາກທຸລະກິດ.
ທ່ານອາດມີຫຼາຍແນວຄວາມຄິດໃນການຈັດຕັ້ງຍຸດທະສາດ ເພື່ອເຮັດໃຫ້ລູກຄ້າທ່າແຮງຂອງທ່ານຮັບຊາບກ່ຽວກັບຜະລິດຕະພັນແລະການບໍລິການ, ບ່ອນຊື້, ລາຄາທີ່ຕ້ອງຈ່າຍເພື່ອແລກປ່ຽນຄຸນນະພາບຂອງສິນຄ້າ. ສິ່ງທີ່ທ່ານຍັງບໍ່ທັນໄດ້ອະທິບາຍ, ທ່າຈະຕ້ອງໄດ້ເຮັດຜະລິດຕະພັນ-ວິທີຂຽນ ແຜນດຳເນີນງານ.
ຈຸດປະສົງແຜນດຳເນີນງານ
ແຜນດຳເນີນງານ, ເປັນສິ່ງທີ່ກ່າວເຖິງ ວິທີໃນການດຳເນີນທຸລະກິດໃຫ້ເກີດຜົນເປັນຈິງ. ບໍ່ວ່າຍຸດທະສາດການດຳເນີນແຜນການຕະຫຼາດ ແລະ ການຂາຍຈະດີຫຼາຍປານໃດ, ຖ້າຫາກທ່ານບໍ່ສາມາດສ້າງຜະລິດຕະພັນ, ທ່ານກໍ່ຈະບໍ່ສາມາດຂາຍໄດ້. ເຊັ່ນດຽວກັນ, ຖ້າຫາກທ່ານສາມາດສ້າງຜະລິດຕະພັນ, ແຕ່ຫາກບໍ່ສາມາດສ້າງຜົນກຳໄລໄດ້ ກໍ່ຈະເຮັດໃຫ້ທຸລະກິດຂອງທ່ານບໍ່ສາມາດຄົງຕົວໄດ້.
ແຜນການດຳເນີນງານສາມາດອະທິບາຍໄດ້ວິທີໃນການສ້າງຜະລິດຕະພັນ,ຂະບວນການຈັດສົ່ງ, ການບໍລິການເສີມອື່ນໆ ແລະ ຈະຕົກເປັນມູນຄ່າເທົ່າໃດ. ສິ່ງດັ່ງກ່າວຄາດວ່າເປັນພຽງພື້ນຖານ. ຖ້າຫາກການຄາດຄະເນມີຄວາມງ່າຍດ່າຍ, ກໍ່ຈະເຮັດໃຫ້ຄົນທຸ.ຄົນເປັນເສດຖິໝົດ. ສິ່ງໜື່ງທີ່ທ່ານຕ້ອງໄດ້ຮັບຊາບກໍ່ຄືວ່າ: ບໍ່ແມ່ນທຸກໆຢ່າງຈະເປັນໄປຕາມແຜນການ. ແຜນການຈັດຕັ້ງປະຕິບັດຈະເປັນການກະຕວງຄວາມສ່ຽງຕ່າງໆທີ່ທາງທຸລະກິດຈະໄດ້ພົບ ແລະ ວິທີທາງໃນການແກ້ໄຂ.
ໂດຍການລິເລີ່ມແຜນການຈັດຕັ້ງກິດຈະກຳດັ່ງກ່າວ ຈະເຮັດໃຫ້ທ່ານ ສາມາດນຳໃຊ້ເຂົ້າໃນກິດຈະກຳວຽກງານຕົວຈິງ, ແລະ ສ້າງຄວາມໜັ້ນໃຈໃຫ້ແກ່ຄົນອື່ນໆໃນທີມງານ ວ່າຈະສາມາດສ້າງຄວາມສຳເລັດໃນການດຳເນີນງານເຊິ່ງນອນໃນທຸກໆເອກະສານດຳເນີນງານຂອງທຸລະກິດທີ່ທ່ານສະເໜີ.
ເອກະສານດັ່ງກ່າວຈະປະກອບມີການອ້າງອີງຫຼາຍໆກິດຈະກຳທີ່ຈະຊ່ວຍໃຫ້ທ່ານສາມາດກວດສອບເບິ່ງການປະຕິບັດງານ ເພື່ອໃຫ້ແນ່ໃຈວ່າທຸກໆສິ່ງທີ່ວາງແຜນໄດ້ເຮັດໄປໝົດຕາມຍຸດທະສາດທີ່ວາງໄວ້ ບໍ່ແມ່ນການເຮັດວຽກທີ່ຄົ້ນຄິດເພື່ອແກ້ບັນຫາສະເພາະໜ້າແກ້ສະຖານະການທີ່ເກີດຂື້ນ. ທັງຍັງຈະຊ່ວຍໃຫ້ທ່ານສາມາດກວດສອບ ວ່າມີອັນໃດບົກຜ່ອງ, ສາມາດປັບປຸງ ແລະ ປັບປ່ຽນໃນຕໍ່ໜ້າ.
ຈະເປັນການບັນຈຸເອົາທຸກໆເຫດການທີ່ມີຄວາມສຳຄັນໃນແຜນການດຳເນີນງານ. ແຕ່ລະກິດຈະກຳຈະມີການຕໍ່ເນື່ອງກັນໃນທຸລະກິດ. ຕົວຢ່າງ, ການນຳໃຊ້ການໂຄສະນາທາງອອນໄລ ເພື່ອໃຫ້ຄົນໄດ້ເຫັນພາບພົດຂອງບໍລິສັດ ຈະເປັນການສ້າງຄວາມໜ້າເຊື່ອຖືໄດ້ດີໃນຍຸກປະຈຸບັນ. ກົງກັນຂ້າມຫາກກຸ່ມລູກຄ້າເປົ້າໝາຍບໍ່ແມ່ນຄົນໃຊ້ສື່ອອນໄລ, ກໍ່ຈະບໍ່ເຮັດໃຫ້ສິນຄ້າຂອງທ່ານສາມາດເຂົ້າກຸ່ມຄົນນັ້ນໄດ້. ການເລືອກການໂຄສະນາຜ່ານທາງສິງພີມອາດຕ້ອງໄດ້ຖືກນຳມາໃຊ້ແທນ.
ສະຫຼຸບລວມແລ້ວ, ໃນແຜນການດຳເນີນງານ ຈະເປັນການກຳນົດທຸກໆກິດຈະກຳ ບໍລິຫານງານໃນແຕ່ລະວັນ ເພື່ອສ້າງການຜະລິດ ຫຼື ໃຫ້ບໍລິການ ຜ່ານທຸລະກິດຂອງທ່ານ, ຫຼຸດຜ່ອນຄວາມສ່ຽງ ແລະ ຮັບປະກັນກຳໄລ.
ການສ້າງແຜນດຳເນີນງານ
ແຜນການດຳເນີນງານຄວນລະບຸສິ່ງດັ່ງຕໍ່ໄປນີ້:
- ສັງລວມ
- ຂະບວນການຜະລິດ
- ຕ໋ອງໂສ້ການສະໜອງ
- ຕົ້ນທຶນການຜະລິດ
- ປະສົບການການຜະລິດ
- ການບໍລິຫານຄວາມສ່ຽງ
ຕອນທີ່ຂຽນແຜນການດຳເນີນງານ ບໍ່ຄວນຂຽນເປັນໃນດ້ານເຕັກນິກຫຼາຍເກີນໄປ ແລະ ສ້າງຄວາມສັບສົນ; ເພາະຈະເຮັດໃຫ້ການວິໄຈມີຄວາມສັບສົນຫຼາຍຂື້ນ, ເປັນຜົນໃຫ້ເກີດມີຄວາມຜິດພາດໃນການວິໄຈ. ຕ້ອງໄດ້ຄຳນືງວ່າ:
1.) ເຮັດໃຫ້ຄົນອ່ານເຂົ້າໃຈເນື້ອໃນທີ່ທ່ານຂຽນລົງໄປ
2.) ຂໍ້ມູນທີ່ນຳສະເໜີຕ້ອງເປັນສິ່ງທີ່ທຸກໆຄົນສາມາດເຂົ້າໃຈໄດ້ ກ່ຽວກັບທຸລະກິດຂອງທ່ານ
ສັງລວມ
ກ່າວພາບລວມໆກ່ຽວກັບວິທີການດຳເນີນທຸລະກິດ ໄປພ້ອມໆກັບການຜະລິດ ແລະ ໃຫ້ບໍລິການ
ການຜະລິດ
- ອະທິບາຍໃຫ້ຊັດເຈນວ່າ ວິທີໃດທ່າຈະຜະລິດສິນຄ້າໃຫ້ໄດ້ຕາມຄວາມຕ້ອງການຂອງໂຮງງານທີ່ລະບຸໄວ້, ອົງປະກອບທີ່ມີຢູ່, ວັດຖຸດິຍທີ່ມີ ແລະ ແຮງງານທີ່ມີຢູ່.
- ເຕັກນິກ ແລະ ຂະບວນການຜະລິດ ທີ່ຈະລວມເອົາທຸກໆອົງປະກອບ ເຂົ້າໃນຂະບວນການຜະລິດເພື່ອໃຫ້ໄດ້ເຕັມຕາມຄວາມສາມາດສູງສຸດຂອງການຜະລິດ.
- ຄວາມເປັນໄປໄດ້ຂອງຂະບວນການຜະລິດເພື່ອຕອບສະໜອງກັບການເພີ່ມຂື້ນຂອງປະລິມານຄວາມຕ້ອງການ
- ວິທີໃນການກວດສອບຄຸນນະພາບສິນຄ້າ ແລະ ການບໍລິການ
ການຮັກສາ ແລະ ການຍົກລະດັບດ້ານວິຊາການ: ຄວນບັນຈຸເອົາຂໍ້ມູນໃນການສະໜັບສະໜູນ ຫຼື ການຊ່ວຍເຫຼືອດ້ານວິຊາການ ທີ່ຈະເປັນຜົນໃຫ້ທ່ານສາມາດຍົກລະດັບການພັດທະນາສິນຄ້າໃຫ້ໄດ້ຕາມຄວາມຕ້ອງການຂອງຕະຫຼາດ ພາຍຫຼັງການອອກຈຳໜ່າຍ ແລະ ໃຫ້ການບໍລິການ. ຄວາມຕ້ອງການດັ່ງກ່າວມີຄວາມຈຳເປັນຫາກທ່ານຕ້ອງການສ້າງຜະລິດຕະພັນໃໝ່ ຫຼື ປັບປຸງຜະລິດຕະພັນໃຫ້ມີຄວາມຫຼາກຫຼາຍ.
- ວິທີການກຳນົດຂະບວນການຜະລິດໃຫ້ໄດ້ຕາມເປົ້າໝາຍ?
- ວັດຖຸສຳລັບການຜະລິດອັນໃດທີ່ສຳຄັນທີ່ສຸດ? ທີ່ມາຈາກໃສ?
- ເຕັກນິກການຜະລິດໃດຈະຖືກນຳມາໃຊ້ໃນຂະບວນການຜະລິດ?
- ຄຸນນະວຸດທິການສຶກສາ ແລະ ການເຝິກອົບຮົມໃດຈະສອນໃຫ້ແກ່ພະນັກງານ
- ວິທີໃດຈະຖືກນຳມາໃຊ້ໃນຂະບວນການຈັດຈຳໜ່າຍ?
ປັດໃຈກະທົບທາງນອກ ເຊິ່ງປະກອບມີຄື:
- ການປ່ຽນແປງຂະບວນການຜະລິດ
- ການປ່ຽນແປງດ້ານເຕັກໂນໂລຍີ່
- ດໍາລັດຂອງລັດຖະບານ
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
