ການຄ້າທາງອອນໄລຕ້ອງການສິ່ງອຳນວຍຄວາມສະດວກຂັ້ນມະຫາພາກ ແລະ ການຕື່ນຕົວຂອງບໍລິສັດ, ອົງກອນ ລວມທັງສ່ວນບຸກຄົນ. ໃຜໆກະເບິ່ງໜ້າຈໍ. ທ່ານຕ້ອງນຳເອົາທຸລະກິດຂື້ນໜ້າຈໍເຊັ່ນດຽວກັນ.
ຜູ້ມີສ່ວນຮ່ວມຫຼັກໆກໍ່ແມ່ນ: ອົງການຈັດຕັ້ງພາກລັດຖະບານ, ບັນດາທຸລະກິດເອກະຊົນ ເຊິ່ງກວມເອົາ (SMEs), ຜູ້ສະໜອງດ້ານເຕັກໂນໂລຢີ່, ລູກຄ້າ ແລະ ບັນດາຄູ່ຄ້າ ຖືເປັນສ່ວນຫລັກ ທີ່ສຳຄັນໃນການດຳເນີນວຽກງານ E-Business. ສາຍພົວພັນຂອງ E-Business ມີຮູບແບບການເປັນຜູ້ຖືເງິນເດີມພັນດັ່ງຕໍ່ໄປນີ້:
- ຜູ້ມີສ່ວນຮ່ວມພາຍໃນ: ຂັ້ນບໍລິຫານ ແລະ ພະນັກງານ
- ຜູ້ສະໜອງ ແລະ ຜູ້ຜະລິດ
- ລູກຄ້າ
- ນາຍໜ້າ
- ສະຖາບັນການເງິນ
- ຜູ້ສະໜອງບໍລິການ
- ສະມາຄົມ
- ບັນດາເວັບໄຊຕ່າງໆ
- ອື່ນໆ.
ບັນດາຕົວຢ່າງຕໍ່ໄປນີ້, ເປັນບໍລິສັດ ແລະ ອົງການນຳໜ້າ ເຊິ່ງມີບົດບາດສຳຄັນໃນການປ່ຽນແປງຮູບແບບການເຮັດທຸລະກິດ ແລະ ການຄ້າ.
(B2B): www.alibaba.com ເວັບໄຊເປັນພາສາອັງກິດ ທຳອິດໃນຈີນໃຫ້ບໍລິການແກ່ ວິສາຫະກິດຂະໜາດນ້ອຍ ແລະ ກາງ (SME’s), ສຳລັບການຄ້າໃນລະດັບສາກົນ, ເຊິ່ງມີ ຫຼາຍລ້ານຄົນນຳໃຊ້ ຈາກ 200 ປະເທດ ສະໝັກເປັນສະມາຊິກນຳໃຊ້ ວັບໄຊ. ສ່ວນໃຫຍ່ປະກອບມີ ຜູ້ຊື້ ແລະ ຜູ້ນຳເຂົ້າຊອກຫາ ແລະ ຄ້າຂາຍ ກັບຜູ້ຂາຍສິນຄ້າຈາກປະເທດຈີນ ແລະ ຜູ້ຜະລິດທີ່ສຳຄັນຈາກປະເທດອື່ນໆ.
(B2C): www.amazon.com ເປັນເວັບໄຊ ຂາຍເຄື່ອງຍ່ອຍທີ່ຮູ້ຈັກກັນດີທີ່ສຸດໃນອິນເຕີເນັດ. ອອກໃຫ້ບໍລິການໃນ ເດືອນ 7/1995 ແລະ ໃນປະຈຸບັນສະໜອງໃຫ້ແກ່ລູກຄ້າອອນລາຍເຊິ່ງ ປະກອບມີ ຫຼາກຫຼາຍປະເພດສິນຄ້າ ເຊັ່ນ: ປື້ມ, CD, ເຄື່ອງຫຼີ້ນ, ເຄື່ອງໃຊ້ໃນບ້ານ, ເຄື່ອງສຳລັບແມ່ຍິງ, ເກີບ ແລະ ອື່ນໆ. ເວັບໄຊພະຍາຍາມເປັນເວັບໄຊທີ່ ເປັນສູນກາງໃຫ້ຜູ້ຊື້ ທາງອອນລາຍ ອັນດັບທີ່ໜຶ່ງໃນໂລກ, ເປັນບ່ອນທີ່ລູກຄ້າສາມາດຊອກຫາ ແລະ ພົບສິ່ງທີ່ຕົນຕ້ອງການທຸກໆຢ່າງຜ່ານທາງອອນລາຍ.
(C2C): www.ebay.com, eBay ເປັນເຄື່ອງໝາຍການຄ້າ ທີ່ມີຄຳຂວັນວ່າ: “ໂລກຕະຫຼາດ ຂອງການຄ້າຂາຍທາງອອນລາຍ” ຄົນເຂົ້າມາ eBay ເພື່ອຊື້ ແລະ ຂາຍຫລາກຫຼາຍກວ່າ 1000 ປະເພດສິນຄ້າ ນັບຕັ້ງແຕ່ຕຸກກະຕາ, ເຄື່ອງເກົ່າແກ່, ເຄື່ອງໃຊ້ໃນບ້ານ ຈົນໄປຮອດລົດມືສອງ, ເຄື່ອງນຸ່ງ, ປື້ມ ແລະ ຊີດີ. ຜູ້ຊື້ມີທາງເລືອກໃນການຊື້ສິນຄ້າ ໃນຮູບແບບການປະມູນ ຫຼື ສິນຄ້າສາ ມາດຊື້ໃນລາຄາຂາຍ ໃນຮູບແບບຂອງ ຊື້ດຽວນີ້ Buy It Now. ເວັບໄຊ ມີສະຖິຕິການຊື້ຂາຍ ຫຼາຍລ້ານຄັ້ງ ຕໍ່ມື້.
ການເຮັດທຸລະກິດຈະບໍ່ກັບໄປຄືເກົ່າອີກແລ້ວ. ຖ້າທ່ານບໍ່ຢາກເອົາທຸລະກິດອອກສູ່ໂລກອອນໄລ ຜ່ານເວັບໄຊ໊ຕົນເອງ, ຫຼື ຝາກຂາຍ, ທ່ານກຳລັງປິດກັ້ນຄວາມສຳເລັດໃນການເຮັດທຸລະກິດຍຸກໃໝ່. ທີ່ອອນໄລ, ທ່ານສາມາດສະແດງສິນຄ້າໄດ້ 24 ຊົວໂມງ, ທຸກໆວັນ. ທ່ານສາມາດສື່ສານກັບທຸລະກິດດ້ວຍກັນ, ຫຼື ກັບລູກຄ້າ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
