ແນວຄວາມຄິດພື້ນຖານກ່ຽວກັບ ທຸລະກິດຜ່ານທາງເອເລັກໂທຼນິກ (E-Business) ແລະ ສິ່ງທີ່ກ່ຽວຂ້ອງ ກັບການຄ້າຜ່ານທາງເອເລັກໂທຼນິກ (E-Commerce) ເຊິ່ງ ລວມເອົາບັນດານິຍາມ ແລະ ຕົວຢ່າງ ເພື່ອໃຫ້ທ່ານສາມາດເຂົ້າໃຈຮູບແບບການຄ້າທາງອອນໄລໄດ້ດີຂື້ນ.
ພາບລວມຂອງ ທຸລະກິດຜ່ານທາງເອເລັກໂທຼນິກ (E – Commerce)
ເມື່ອເຮົາໄດ້ ຍິນຄຳວ່າ ” ທຸລະກິດຜ່ານທາງເອເລັກໂທຼນິກ (E-Cusiness) ” ພວກເຮົາມັກຈະຄິດກ່ຽວກັບການຂາຍຜ່ານທາງເວັບໄຊ ທຸລະກິດຜ່ານທາງເອເລັກໂທຼນິກ(E-Business) ເວົ້າໂດຍຫຍໍ້ ແມ່ນໝາຍເຖິງການນຳໃຊ້ເຕັກໂນໂລຢີ່, ໂດຍສະເພາະຂໍ້ມູນຂ່າວສານ ແລະ ເຕັກໂນໂລຢີ່ການສື່ສານ (ICTs), ເພື່ອສ້າງ ຫຼື ສະໜັບສະໜູນ ການປັບປຸງ ກິດຈະກຳ ແລະ ຂະບວນທາງທຸລະກິດ ເຊິ່ງລວມເອົາການຄົ້ນຄ້ວາ ແລະ ພັດທະນາ, ການກະກຽມ, ການອອກແບບ ແລະ ພັດທະນາ, ການດຳເນີນງານ, ການຜະລິດ, ການຕະຫລາດ ແລະ ການຂາຍ, ການຂົນສົ່ງ, ການບໍລິຫານຊັບພະຍາກອນມະນຸດ, ການເງິນ ແລະ ການຮ່ວມຕົວລະບົບມູນຄ່າ (value chain integration)
ທຸລະກິດຜ່ານທາງເອເລັກໂທຼນິກ ກວມເອົາ ເຖິງການຊື້ ແລະ ຂາຍຜະລິດຕະພັນ, ການບໍລິການ, ແລະ ຂ່າວສານ ຫຼື ການຊຳລະຜ່ານລະບົບການເຊື່ອມຕໍ່ຄອມພີວເຕີ້, ເຊິ່ງກວມເອົາອິນເຕີເນັດ. ສິ່ງທີ່ແຕກຕ່າງກັນຢ່າງຂາດຂັ້ນ ຂອງທັງສອງມີຄື: ການຄ້າຜ່ານທາງເອເລັກໂທຼນິກ ແມ່ນການພົວພົນລະຫວ່າງ ບັນດາອົງການຈັດຕັ້ງ ແລະ ລູກຄ້າຂອງອົງການ, ຜູ້ຊື້ ຫຼື ຜູ້ຊື້ພາກລັດ. ສ່ວນວ່າ ທຸລະກິດຜ່ານທາງເອເລັກໂທຼນິກ ຮວມເອົາການດຳເນີນການຈັດການພາຍໃນຂອງອົງການຈັດຕັ້ງ. ເວົ້າໄດ້ວ່າ ທັງສອງ ມີການພົວພັນແລກປ່ຽນກັນ.
ທຸລະກິດຜ່ານທາງເອເລັກໂທຼນິກ ກຳນົດຜ່ານຫຼາຍແນວຄິດເປັນຕົ້ນ:
- ບັນດາການສື່ສານ: ການຂົນສົ່ງຜະລິດຕະພັນ, ການບໍລິການ, ຂ່າວສານ ຫຼື ການຈ່າຍຜ່ານທາງລະບົບຄອມພິວເຕີ້ ຫຼື ຜ່ານສື່ທາງເອເລັກໂທຼນິກທາງອື່ນໆ.
- ການຄ້າ: ສະໜອງການຊື້ ແລະ ຂາຍຜະລິດຕະພັນ, ການບໍລິການ ແລະ ຂ່າວສານຜ່ານທາງອິນເຕີເນັດ ແລະ ການບໍລິການອອນລາຍອື່ນໆ.
- ຂະບວນການທຸລະກິດ: ການເຮັດທຸລະກິດຜ່ານທາງເອເລັກໂທຼນິກ ແມ່ນການນຳເອົາທຸກໆຂະບວນການຂອງທຸລະກິດເຂົ້າມາສູ່ລະບົບເຄື່ອຄ່າຍເອເລັກໂທຼນິກ,ດ້ວຍ ການສະໜອງຂໍ້ມູນ ເພື່ອນຳມາເຊິ່ງຂະບວນການເຮັດທຸລະກິດໃນພາກປະຕິບັດຕົວຈິງ.
- ການບໍລິການ: ເປັນເຄື່ອງມືທີ່ບັນຈຸເອົາ ຄວາມຕ້ອງການຂອງພາກລັດຖະບານ, ບໍລິສັດ, ຜູ້ຊົມໃຊ້ ແລະ ການບໍລິຫານ ເພື່ອຫຼຸດຜ່ອນລາຄາ ແລະ ໃນຂະນະດຽວກັນກໍ່ເພີ່ມຄຸນນະພາບການບໍລິການລູກຄ້າ ແລະ ເພີ່ມຄວາມໄວໃນການສະໜອງການບໍລິການ.
- ການຮຽນຮູ້: ເຮັດໃຫ້ສາມາດຈັດການເຝິກອົບຮົມ ແລະ ການສຶກສາແບບອອນລາຍ ໃນໂຮງຮຽນ, ມະຫາວິທະຍາໄລ ແລະ ບັນດາອົງການຈັດຕັ້ງອື່ນໆ, ລວມທັງ ບັນດາຫົວໜ່ວຍທຸລະກິດ.
- ການປະສານງານ: ເຮັດໃຫ້ ໂຄງສ້າງວຽກງານ ມີການປະສານງານກັນລະຫວ່າງພາຍນອກ ແລະ ພາຍໃນອົງການຈັດຕັ້ງ.
- ຊຸ່ມຊົນໝູ່ຄະນະ: ເກັບກຳເອົາ ລາຍລະອຽດຂອງ ສະມາຊິກໃນຊຸມຊົນໃດໜຶ່ງ ເພື່ອ ຈັດຕັ້ງການຮາໍ່ຮຽນ, ຊື້ຂາຍ ແລະ ປະສານງານ.
ເວົ້າງ່າຍໆກໍ່ຄື, ທຸລະກິດຜ່ານທາງເອເລັກໂທຼນິກ ສາມາດເປັນລະບົບທີ່ຜູ້ສະໜອງ, ຜູ້ຈຳໝາ່ຍ ຫຼື ຜູ້ຊົມໃຊ້ ນຳໃຊ້ (ICT), ເວົ້າສະເພາະແມ່ນ ນຳໄຊ້ອິນເຕີເນັດ, ບົນພື້ນຖານການດຳເນີນທຸລະກິດ ເຊິ່ງມີຕົວຢ່າງດັ່ງນີ້:
- ການສື່ສານກັບລູກຄ້າ ຫຼື ຜູ້ສະໜອງຜ່ານທາງອີເມວ;
- ສົ່ງອີເມວຫາອົງການຈັດຕັ້ງອື່ນເພື່ອສັ່ງຊື້; ສິນຄ້າ ແລະ ການບໍລິການ
- ຂາຍຫຼືໂຄສະນາຜະລິດຕະພັນ ຫລື ການບໍລິການຜ່ານທາງເວັບໄຊ ຫຼືຜ່ານ ອີເມວ;
- ສະໜອງຂໍ້ມູນ ກ່ຽວກັບທຸລະກິດອອກສູ່ສາທາລະນະຊົນ ດ້ວຍການນຳໃຊ້ ເວັບໄຊເປັນສື່ກາງ;
- ນຳໃຊ້ອິນເຕີເນັດເຂົ້າໃນລະບົບ ທະນາຄານ ແລະ ການຈ່າຍເງິນ ອອນລາຍ;
- ຄົ້ນຫາຂໍ້ມູນກ່ຽວກັບລູກຄ້າ ແລະ ຄູ່ແຂ່ງໂດຍການນຳໃຊ້ເວັບໄຊ;
- ໃຫ້ການຊ່ວຍເຫຼືອດ້ານວິຊາການ ຫຼື ການບໍລິການລູກຄ້າ ຜ່ານທາງ ອີເມວ ຫຼື ເວັບໄຊ; ແລະ
- ຈັດການ ແລະ ແຈກຢາຍເອກະສານ ຂອງອົງການຈັດຕັ້ງຕົນເອງ ຜ່ານທາງ ອິນເຕີເນັດ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
