ໃນສັງຄົມທົ່ວໆໄປ, ມັກເຫັນຄົນຄ່ອຍຊອກຫາຄົນໆໃດໜຶ່ງມາຮັກ. ເລື່ອງອົກຫັກ ຫຼື ການໄປຮັກຄົນອື່ນ ແລ້ວເຂົາບໍ່ ຮັກເຮົາ ມັກພົບເຫັນໃນຊີວິດຫຼາຍ. ການມີຄົນອື່ນຮັກກະດີ, ໝາຍວ່າ ທ່ານອາດໄດ້ຮັບການໃສ່ໃຈເປັນພິເສດ; ມີຄົນຄິດຫາ ແລະ ໃຫ້ການຊ່ວຍເຫຼືອແກ່ທ່ານ, ຕ່າງໆນາໆ.
ບາງທີ່ມັນຍາກທີ່ຈະໃຫ້ຄົນແປກໜ້າມາຍອມ ຮັບ ໃນຕົວທ່ານເປັນ ຈົນເກີດຄວາມຮັກ ແລະ ສະນິດສະໜົມ. ໂດຍບໍ່ຕ້ອງຮຽກຮ້ອງໃຫ້ໄດ້ຮັກຈາກຄົນອື່ນເປັນ ບູລິມະສິດ, ຫາກທ່ານຮູ້ຈັກຮັກຕົນເອງ, ທ່ານຈະໄດ້ຜົນປະໂຫຍດ ຫຼາຍໆຢ່າງ, ເປັນຕົ້ນ:
- ເມື່ອທ່ານຮັກຕົວເອງທ່ານຈະໃຫ້ການເບິ່ງແຍງ ແລະ ເບິ່ງເຫັນຄຸນຄ່າໃນຕົວເອງ. ທ່ານຈະຫາວິທີທີ່ຈະເຮັດໃຫ້ຕົນເອງມີຊີວິດທີ່ດີຂຶ້ນ, ມີສຸຂະພາບທີ່ດີຂຶ້ນ ແລະ ຄວາມສະຫງົບສຸກໃນໃຈຫລາຍຂຶ້ນ. ສິ່ງນີ້ມີສ່ວນຊ່ວຍໃຫ້ທ່ານປະສົບຄວາມສຳເລັດງ່າຍຂຶ້ນ,
- ທ່ານຈະເຄົາລົບຕົວເອງ ແລະ ເບິ່ງເຫັນປະສິດທິພາບຂອງຕົນວ່າເປັນຄົນທີ່ມີຄຸນຄ່າທາງສັງຄົມ. ທ່ານຈະເບິ່ງເຫັນຕົວເອງວ່າເປັນຜູ້ທີ່ເຕັມໄປດ້ວຍໂອກາດ ແລະ ພ້ອມຈະໃຫ້ ຫລາຍກວ່າເປັນຄົນທີ່ດ້ອຍໂອກາດ ຫລື ເຍື່ອຂອງສັງຄົມ,
- ທ່ານເຂັ້ມແຂງຂຶ້ນຢ່າງມີປະສິດທິພາບ ແລະ ມີພະລັງໃນການພັດທະນາຄວາມສາມາດຂອງຕົນເອງ. ທ່ານຮູ້ຕົວວ່າຈະສາມາດເຮັດຫຍັງໄດ້ຫລາຍຂຶ້ນແລະດີຂຶ້ນ ໂດຍທີ່ທ່ານຈະບໍ່ຕໍານິຕົນເອງ ເມື່ອເກີດມີຂໍ້ຜິດພາດ ແລະ ຍັງບໍເຖິງເປົ້າຫມາຍ. ເພາະທ່ານຮູ້ວ່າທ່ານໄດ້ມີການ ພັດທະນາຕົວເອງໄປເຖິງຈຸດນັ້ນຈົນໄດ້,
- ທ່ານຈະຮູ້ວ່າຕົນເອງມີຄວາມສາມາດສະເພາະດ້ານໃດໜຶ່ງ. ທ່ານຈະກາຍເປັນຄົນທີ່ມີຄວາມຫມັ້ນໃຈໃນການແກ້ບັນຫາ ແບບບໍ່ຕ້ອງກັງວົນ. ທ່ານຈຶ່ງມີຄວາມຫມັ້ນຄົງແລະມີອິດສະຫລະໃນຕົວເອງ. ທ່ານຈະແປກໃຈທີ່ໄດ້ຮູ້ວ່າ ທ່ານມີພະລັງດີໆຫລາຍຢ່າງ ທີ່ຈະພາທ່ານໄປສູ່ຈຸດມຸ່ງຫມາຍທີ່ທ່ານຢໄຝ່ຝັນ,
- ເມື່ອທ່ານຫມັ້ນຄົງ ແລະ ເປັນອິດສະຫລະ ທ່ານຈະຮຽນຮູ້ທີ່ຈະໃຫ້ ແລະ ໃສ່ໃຈຜູ້ຄົນຫລາຍຂຶ້ນຢ່າງມີເມດຕາ ຜູ້ຄົນຈະຍອມຮັບ ແລະ ຮູ້ສຶກເຖິງຄຸນຄ່າຂອງທ່ານເມື່ອທ່ານຍອມຮັບ ແລະ ຮັກຕົວຕົນທີ່ແທ້ຈິງ ໃນແບບທີ່ທ່ານ ເປັນ. ນັ້ນເປັນຈຸດເລີ່ມຕົ້ນຂອງຄວາມສຸກທີ່ແທ້ຈິງ.
- ຈິດໃຈຈະດີ ໂອບອ້ອມອາຣີຫຼາຍຂື້ນ. ເມື່ອໃດທ່ານຮູ້ຈັກຮັກຕົນເອງ, ທ່ານຈະເຫັນຄົນອື່ນມີຄວາມເປັນມະ ນຸດຄືກັນ. ບາງຄົນເຫັນໄປຮອດຄຸນຄ່າ ການມີຊີວິດຂອງສັດ ແລະ ພືດ. ທຸກໆການເຈັບປວດ ແລະ ຄວາມທຸກຂອງ ຄົນອື່ນ ຫຼື ສັດເຫຼົ່ານັ້ນ ກໍ່ບໍ່ຕ່າງຫຍັງກັບທ່ານ. ດັ່ງນັ້ນ, ເມື່ອໃດເຮົາເຫັນຕົວເຮົາສຸກ, ເຮົາກໍ່ຈະເຫັນຄຸນຄ່າຂອງ ຄວາມສະຫງົບ ແລະ ສະບາຍ. ຈາກແນວຄິດດັ່ງກ່າວ ຈິ່ງເຮັດໃຫ້ເຮົາບໍ່ຄິດທຳຮ້າຍສິ່ງອ້ອມຂ້າງ.
- ທ່ານຈະລະວັງຄຳເວົ້າທີ່ບໍ່ເຮັດໃຫ້ເກີດຄວາມສຸກ. ເນື່ອງຈາກຈິດໃຈຂອງທ່ານສະຫງົບຂື້ນ, ຄຳເວົ້າວ່າບໍ່ດີ, ປະໂຫຍກທີ່ເປັນລົບ ໃນຈິດໃຕ້ສຳນຶກຂອງທ່ານຈະຫາຍໄປ. ທ່ານຈະສັນຫາແຕ່ຄຳເວົ້າທີ່ດີໆແກ່ຕົນເອງ ແລະ ເປັນດ້ານບວກຫຼາຍຂື້ນ. ເພາະທ່ານຮູ້ດີວ່າ ນີ້ຄືການເຮັດໃຫ້ຕົນເອງເປັນສຸກໄດ້.
ເມື່ອທ່ານຮູ້ແລ້ວວ່າ ການຮັກຕົວເອງມີປະໂຫຍດຊ່ຳໃດ, ແລ້ວພວກເຮົາຄວນເລີ່ມ ທົບທວນຄວາມຄິດ ຄວາມຮູ້ສຶກແລະ ຄ່ອຍໆ ເຝິກຮັກຕົວເອງ. ປ່ຽນແປງ ປົດປ່ອຍ ສ້າງຕົວເອງໃນທຸກວັນ ໃຫ້ມີພະລັງແບບທີ່ທ່ານ ຕ້ອງການ.
ມັນບໍ່ຊ້າ ເກີນໄປທີ່ຈະເລີ່ມຕົ້ນໃຫ່ມ ຖ້າທ່ານບໍ່ມີຄວາມສຸກກັບອາດີດ ກໍ່ຄວນລອງສິ່ງທີ່ແຕກຕ່າງໄປໃນວັນນີ້. ຢ່າຢຸດຢັ້ງເຮັດໃຫ້ດີກວ່າເດີມ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
