ຈົ່ງຮູ້ວ່າທ່ານໂຊກດີ. ຄົນບາງຄົນຕາບອດມືດມິດບໍ່ສາມາດເບິ່ງເຫັນວັນທີ່ສວຍງາມໄດ້. ສ່ວນຄົນຕາດີມາແຕ່ເກີດຢ່າງທ່ານ ຢ່າໄດ້ຄິດວ່າຊີວິດທ່ານບໍ່ດີແບບໃດ? ທ່າານໜ້າຈະ ເບິ່ງໄປອ້ອມໆ ເບິ່ງໃຫ້ເຫັນວັນທີ່ສວຍງາມ ແລະ ຮູ້ສຶກເຖິງສິ່ງເກີດຂື້ນດ້ວຍຄວາມຮັກ ແລະ ຄວາມໃສ່ໃຈ. ບໍ່ເພັ້ງສິ່ງທີ່. ຢ່າໄປເບິ່ງແຕ່ສິ່ງບໍ່ດີທີ່ເຮັດໃຫ້ທ່ານຂຸ້ມມົວ.
ຈົ່ງເອົາພະອາທິດຂອງທ່ານໄປນຳສະເຫມີ ເຖິງວ່າທ້ອງຟ້າຈະມືດມົນຊ່ຳໃດກໍຕາມ. ໃນໂລກໃບນີ້ຍັງມີສິ່ງທີ່ດີໆອີກຫລາຍຢ່າງ. ຂໍແຕ່ທ່ານດຶງເວລາທີ່ເສຍໄປກັບສິ່ງທີ່ເຮັດໃຫ້ທ່ານຂາດສຸກ. ແລ້ວເບິ່ງເຫັນສິ່ງທີ່ເຮັດໃຫ້ໃຈ ແລະ ຕົວຂອງທ່ານມີຄວາມສຸກ. ຄວາມສຸກບໍ່ໄດ້ຫມາຍຄວາມວ່າ ທ່ານມີຄົບໄປຫມົດທຸກຢ່າງ ແຕ່ຄວາມສຸກຫມາຍເຖິງເຮົາຮູ້ສຶກຂອບໃຈໃນສິ່ງທີ່ເຮົາມີຕ່າງຫາກ. ຈົ່ງຮູ້ສຶກຂອບໃຈ ຮຽນເບິ່ງເຫັນຄວາມສຸກ. ບາງທີມັນຢູ່ທາງຫນ້າເຮົາ. ຢູ່ໃກ້ເຮົາແຕ່ເຮົາຫຍຸ້ງຈົນເລີມບໍ່ເຫັນມັນ. ຫລືລືມຮູ້ສຶກມັນໄປ. ເມື່ອຮູ້ສຶກວ່າຕົວເອງໂຊກດີເທົ່າໃດແລ້ວ ຄວາມຮູ້ສຶກຂອບໃຈ ແລະ ເຫັນຄຸນຄ່າຂອງສິ່ງທີ່ຕົວເອງມີ ຍິ່ງໃຊ້ຊີວິດດົນຂຶ້ນ. ກັບຮູ້ວ່າຊີວິດສວຍງາມ ຫລາຍຂຶ້ນທຸກເທື່ອ. ເພາະເຮົາມີປະສົບການຫລາຍພໍທີ່ຈະເຂົ້າໃຈຊີວິດ ຮູ້ຈັກຊື່ນຊົມຄວາມສວຍງາມ. ຮູ້ຈັກປ່ອຍວາງ. ຮູ້ວ່າຕົນຕ້ອງການຫຍັງ ແລະ ບໍ່ມັກຫຍັງ.
ເມື່ອຮູ້ແລ້ວ, ເຮົາກໍຈະບໍ່ຍອມໃຫ້ຕົວເອງຢູ່ໃນຈຸດທີ່ບໍ່ມັກ. ບໍ່ຍອມໃຫ້ໃຜມາດຶງຕົວເອງໄປຢູ່ໃນຈຸດທີ່ເຮົາບໍ່ມີຄວາມສຸກ. ໃຊ້ເວລາກັບຄວາມສຸກໃຫ້ຫລາຍຂຶ້ນ. ເຂົ້າໃຈວ່າບໍ່ມີຫຍັງຫາມາໄດ້ງ່າຍໆ. ດັ່ງນັ້ນຕ້ອງສູ້ ແລະ ພະຍາຍາມໃຫ້ຫລາຍຂຶ້ນ ແຕ່ກໍຮູ້ຈັກຂໍເມື່ອຕ້ອງການຫຍັງ ແລະ ກ້າພໍທີ່ຈະສະແດງຄວາມຄິດເຫັນກັບທຸກເລື່ອງເປັນອິດສະຫລະຈາກຄວາມຄິດເຫັນຂອງຜູ້ຄົນ. ຍິ່ງມີຊີວິດຫລາຍຂຶ້ນ. ຍິ່ງຫາຈຸດທີ່ໃຈອີ່ມໄດ້ຫລາຍຂຶ້ນ.
ຈົ່ງເຊື່ອໃນປະຕິຫານ (ບໍ່ແມ່ນເຊື່ອງົມງວາຍ). ປະຕິຫານ ໃນຄະນະທີ່ຊີວິດຂອງທ່ານຕ່ຳລົງ ຫລື ເບິ່ງວ່າບໍ່ມີທາງອອກໃຫ້ແກ່ທຸກບັນຫາ. ຈົ່ງເຮັດໃຫ້ຮ່າງກາຍຂອງທ່ານແຂງແຮງ ແລະ ສອນໃຈຂອງທ່ານໃຫ້ແຂງແກ່ນກວ່າວັນວານ. ເປັນຄົນທີ່ເຂັ້ມແຂງ ເປັນສະບັບທີ່ດີທີ່ສຸດຂອງຕົວເອງ. ປະຕິຫານຈະເກີດຂຶ້ນກັບຄົນທີ່ເຊື່ອໃນປະຕິຫານ ມັນງ່າຍຫລາຍໆທີ່ຈະປ່ອຍໃຫ້ເວລານັ້ນຜ່ານໄປ ໂດຍບໍ່ທັນໄດ້ເບິ່ງໂລກໃບນີ້ຮອບໆຕົວທ່ານ. ຊີວິດມັນສວຍງາມຫລາຍ. ຈົ່ງມີຄວາມສຸກກັບມັນໃຫ້ໄດ້ທຸກວັນ ແລະ ຈົ່ງຮູ້ສຶກເປັນສຸກທີ່ມີໂອກາດໄດ້ໃຊ້ຊີວິດ. ຊີວິດຄືຄວາມມ່ວນ ຖ້າທ່ານເຮັດທຸກມື້ໃຫ້ແຕກຕ່າງ.ຈົ່ງໃຊ້ຊີວິດຄືດັ່ງໂລກເປັນສະຫນາມເດັກຫລິ້ນຂອງທ່ານ. ຄົນທີ່ບໍ່ເຊື່ອໃນປະຕິຫານ ມັກບໍ່ເຄີຍພົບກັບຄວາມມະຫັດສະຈັນໃນຊີວິດ.
ຈົ່ງອ່ອນແອ. ຢ່າປ່ອຍໃຫ້ໂລກນີ້ ເຮັດໃຫ້ທ່ານແຂງກະດ້າງ. ຢ່າປ່ອຍໃຫ້ຄວາມເຈັບປວດ ເຮັດໃຫ້ທ່ານເປັນຄົນອະກຸສົນແລະ ຄຽດແຄ້ນ. ຢ່າປ່ອຍໃຫ້ຄວາມຂົມຂື່ນ ມາທຳລາຍຄວາມອ່ອນຫວານຂອງທ່ານ. ຈົ່ງມີຄວາມພູມໃຈໃນຕົວເອງ ເຖິງວ່າຄົນທັງໂລກຈະບໍ່ເຫັນດີນຳກັບທ່ານ. ແຕ່ຈົ່ງເຊືອວ່າໂລກນີ້ຍັງສວຍງາມສະເຫມີ.
ຂ້າງນອກຈະເປັນແນວໃດກໍຊ່າງ. ຂໍແຕ່ຄວບຄຸມຈິດໃຈຂອງຕົນໃຫ້ໄດ້ກໍພໍ. ຄວາມສະຫງົບສຸກໃນໃຈ ເລີ່ມຕົ້ນເມື່ອທ່ານເລືອກທີ່ຈະບໍ່ຍອມໃຫ້ ຜູ້ຄົນຫລືເຫດການຕ່າງໆ ຄວບຄຸມຄວາມຮູ້ສຶກແລະອາລົມຂອງທ່ານ. ຈົ່ງໃຫ້ອະໄພຕົວເອງ. ບໍ່ວ່າໃນອາດີດທ່ານເຮັດເລື່ອງທີ່ຜິດພາດຫລືຮ້າຍແຮງ ຈາກນີ້ໄປຈົ່ງເຮັດປັດຈຸບັນໃຫ້ດີທີ່ສຸດ ເພື່ອໃຫ້ຕົວທ່ານໃນອານາຄົດ ຈະພົບສິ່ງປາດຖະໜາ ແລະ ມີຄວາມສະຫງົບສຸກ.
ສິ່ງດຽວທີ່ຈະຢຸດຊີວິດທ່ານ. ມີແຕ່ສິ່ງດຽວທີ່ຈະຢຸດຊີວິດທ່ານບໍ່ໃຫ້ເຮັດສິ່ງນັ້ນໄດ້, ຖ້າທ່ານຄິດວ່າທ່ານເລີ່ມຊ້າ, ກໍໃຫ້ຢ້ຳຕົວເອງວ່າ: ທ່ານບໍ່ມີເວລາພໍທີ່ຈະທໍ້ຖອຍ. ແລ້ວເດີນຕໍ່ໄປບໍ່ຕ້ອງເບິ່ງໃຜ. ຊ້າບໍ່ເປັນຫຍັງ. ເບິ່ງແບບເຕົ່າ. ກົ້ມຫນ້າກົ້ມຕາຍ່າງແບບບໍ່ສົນໃຈວ່າໃຜຈະແລ່ນໄປກ່ອນ ເພາະເຮົາບໍ່ໄດ້ແຂ່ງກັບໃຜ. ໃຫ້ບອກຕົວເອງວ່າ ຂ້ອຍຈະຍ່າງຕໍ່ໄປຂ້າງຫນ້າ ໃນທາງທີ່ຂ້ອຍເຄີຍຝັນ ແລະ ຈະບໍ່ລົ້ມເລີກຈົນກວ່າຈະບັນລຸ. ຖ້າທ່ານຫາທາງໄປບໍ່ເຫັນ, ກໍໃຫ້ເດີນໄປໃນທາງທີ່ທ່ານຮັກ.
ຝັນຂອງທ່ານບໍ່ມີວັນຫມົດອາຍຸ. ແຕ່ຢ່າຖ້າຈົນເຖິງວັນສຸດທ້າຍ. ທ່ານອາດຈະເສຍໃຈ ທີ່ທ່ານບໍ່ເຄີຍເຮັດຕາມຝັນ. ບໍ່ມີຄຳວ່າຊ້າເກີນໄປ ສຳລັບການເລີ່ມຕົ້ນໃຫ່ມ. ບໍ່ວ່າຈະເປັນເລື່ອງຄວາມສຳພັນ, ການສຶກສາ, ຫນ້າທີ່ການງານ, ເປົ້າຫມາຍໃນຊີວິດ ຫລື ແມ່ນແຕ່ຄວາມຝັນ. ຖ້າທ່ານບໍ່ເລີ່ມຕົ້ນປ່ຽນຫຍັງ ວັນນີ້, ໃນປີຫນ້າຫລືປີຖັດໄປ, ທ່ານຈະເສຍໃຈທີ່ບໍ່ໄດ້ເຮັດຕັ້ງແຕ່ມື້ນີ້ ແລະ 20ປີນັບຈາກນີ້ ທ່ານຈະຜິດຫວັງຈາກສິ່ງທີ່ບໍ່ເຄີຍເຮັດ ຫລື ບໍ່ມີໂອກາດໄດ້ເຮັດ ຫລາຍກວ່າຈາກສິ່ງທີ່ເຄີຍເຮັດພາດໄປ.
ໃຊ້ຊີວິດຢ່າງລຽບງ່າຍ ເຮັດໃຈໃຫ້ສະຫງົບຝັນໃຫ້ຍິ່ງໃຫ່ຍໄປໃຫ້ເຖິງ. ຂອບໃຈຊີວິດຫມັ່ນຄິດດີ. ມີເວລາໃຫ້ຄົນຮັກ. ພັກຜ່ອນກັບຄອບຄົວ. ຫົວໃຫ້ຕະຫລອດ. ໃຈເຢັນໃຫ້ໄດ້. ໃສ່ໃຈຄົນອ້ອມຂ້າງ. ປ່ອຍວາງເກັ່ງ. ແຕ້ມແຕ່ງສີສັນຂອງຊີວິດໃຫ້ມ່ວນ. ເຊົາທຸກກັບເລື່ອງທີ່ແກ້ໄຂບໍ່ໄດ້. ຈົ່ງຫມັ່ນຫາປະສົບການຂອງຊີວິດ. ຢ່າປ່ອຍຈິດກັບການປະລາໄຊ. ຈົ່ງເຊື່ອໃນຄວາມະຫັດສະຈັນ.
ຮັບຟັງຄວາມຄິດເຫັນ, ແລະ ສິ່ງສຳຄັນທີ່ສຸດບໍ່ແມ່ນ ຈະຟັງແນວຄິດອະກຸສົນຂອງໃຜໃນຊີວິດ. ຮູ້ສິ່ງເປັນຈິງໃນຕົວຕົນ. ຈົ່ງຫມັ່ນຫົດນຳມື້ລະນ້ອຍ ຫລໍ່ລ້ຽງຫົວໃຈຂອງເຮົາເຝິກຈິດຫາຈຸດທີ່ໃຈນິ້ງ ແລະ ຖາມຕົວເອງວ່າບ່ອນໃດທີ່ໃຈເຮົາອີ່ມ. ສິ່ງທີ່ເຮັດທຸກມື້ນີ້ມີຄວາມພໍໃຈຊ່ຳໃດ? ຢ່າຍຶດຕິດກັບຜູ້ຄົນບໍ່ຄິດພັດທະນາ. ແນວຄິດຫຼ້າຫຼັງ. ຄຳສອນເກົ່າແກ່ທີ່ບໍ່ເປັນຜົນແກ່ການສ້າງສັນສິ່ງທີ່ດີກວ່າ. ຄຳຂອງຄົນຮອບຂ້າງ ຄຳອ້າງຂອງຜູ້ຮູ້ ຫລື ແມ້ແຕ່ບັນທັດຖານຂອງສັງຄົມ. ຈົ່ງໃຊ້ເວລາທົບທວນຮູບແບບການເຮັດວຽກ, ແລະ ເຮັດໃຈໃຫ້ສະຫງົບສຸກ. ຫາຈຸດທີ່ເຮັດໃຫ້ໃຈອີມ. ອ່ານໃຫ້ຫລາຍຂຶ້ນ ການອ່ານຫນັງສືເຮັດໃຫ້ເຮົາດີຂຶ້ນ ແລະ ຄົ້ນຫາຫຼາກຫຼາຍແນວຄິດຈາກຊີວິດຕົວຈິງ ເພື່ອມາດັດປັບນຳໃຊ້.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
